Hér fyrir neðan eru vel valdar tímaseríur til þess ætlaðar að greina þróun á leitum fólks að flugi og hótelgistingu á Íslandi. Gröfin eru dýnamísk og lifandi og uppfærast í hvert sinn sem þú heimsækir þessa síðu. Það þýðir að ef að þú kíkir aftur inn, til dæmis í næstu viku, þá munu gröfin líta öðruvísi út. Þess vegna útskýrir textinn hér fyrir neðan eingöngu hvað er hægt að lesa úr grafinu án þess að við leggjum sérstakt mat á niðurstöðurnar.

Á lárétta ásnum sjáum við dagsetninguna og á lóðrétta ásnum sjáum við gildið. Gildið er frá 0 til 100. Það þýðir að 100 er hæsta gildið á síðustu 12 mánuðum. Þannig sérðu til dæmis að ef gildið fyrir leitir að flugi til Íslands tiltekinn dag var 10.000 þá væri gildið 50 fyrir 5.000 leitir. Best er að rýna í gröfin með hlutfallslegan samanburð og þróun áhuga í huga.

Leitir um allan heim að flugi til Íslands

Grafið hér fyrir neðan sýnir þróun leita að flugi til Íslands síðustu 12 mánuði hvaðanæva af í öllum heiminum. Það sem við sjáum er samblanda af hlutfallslegum leitum að flugi til Íslands. Það þýðir að gildin sem við nefnum hér að ofan 0 til 100 eru tekin saman fyrir öll lönd og meðaltalið því sýnt hér að neðan.

Leitir um allan heim að hótelum og gistingu á Íslandi

Hér sjáum við sama graf og að ofan nema hvað leitirnar eru ekki fyrir flug til Íslands heldur að hótelum og öðrum gistimöguleikum á Íslandi. Grafið mun að öllum líkindum vera með hvassari toppa og botna þar sem stórt hlutfall fólks sem að leitar að flugi til Íslands fer ekki lengra en það og endar ekki á því að skoða gistingu á Íslandi. Þar af leiðandi eru færri sem að leita að gistingu og minna um gögn.